SuperDizionari

mandâ fûr loc.v.

Fâ che alc o cdn. a ledin vie di un puest sierât o definît

esemplis

"il plevan i veve dât il vueli sant, done Pine, la femine, e à mandât fûr ducj de cjamare disint: «Lassaitmi di bessole con lui… »"

gjavât fûr di "Perdon o imbroi?" di Pieri Menis

mandâ fûr loc.v.

[TS] (sport) Fâ che la bale e ledi fûr dai limits dal cjamp o fûr de puarte

esemplis

"Widmer al servìs un balon golôs pal cjâf di Perica, che lu mande fûr di un et"

gjavât fûr di "Roma – Udinese 2-1" di Marc Stolf

mandâ fûr loc.v.

Produsi une emission di sostancis, impuls, energjie e v.i.

sinonims

emeti, spandi, difondi, slargjâ, mandâ, butâ fûr, dâ fûr

esemplis

""[...] mi contentarai dai trê zeis di çuç e scuete che si puartais daûr e che a mandin fûr chel bon odôr""

gjavât fûr di "Il Deu di Cjargne" di Luigi Gortani

"la cjase e ardeve come une fornâs, mandant fûr pai barcons e pes puartis, sclopetant, fum, sflamiadis e faliscjis"

gjavât fûr di "Sflamiadis" di Pieri Menis

"la aghe radioative, inietade par vie endovenose, e mande fûr une vore di positrons"

gjavât fûr di "Neuroimagjins funzionâls e cerviel bilengâl" di Daniela Perani

mandâ fûr loc.v.

Fâ nassi, fâ jessi, fâ sucedi e v.i.

esemplis

"tignìn su lis mans, / preìn che il futûr / e nol mandi fûr / cualchi altri malan"

gjavât fûr di "Il Strolic furlan par l'an 1852" di Pieri Çorut

mandâ fûr loc.v.

Publicâ

esemplis

""Chel po che mi racomandi al è di stampâ daurman! … E sin tal mês di Març, el prin di cuaresime, e se si spiete ancjimò si va a finîle che bisugnarà mandà fûr el lunari dal cuarantenûf e no plui chel dal cuarantevot!""

gjavât fûr di "In cîl e je une stele!..." di Arturo Feruglio

"al à mandât fûr un decret, lui patriarcje duche, dulà che al proibive ai siôrs di puartâ plui di un ciert numar di botons di aur"

gjavât fûr di "Il nestri sant: patriarcje Bertrant" di Francesc Placerean

monolengâl